Barcelona nuk e ka fshirë Bernardo Silvën ose Joao Felix nga lista e dëshirave të transferimeve të verës për momentin.

Sidoqoftë, sipas "Mundo Deportivo", e vetmja mënyrë që ata mund të nënshkruajnë me njërin nga dy lojtarët është nëse ata fitojnë para të mëdha duke shitur disa nga yjet e tyre aktualë.

Lojtarët që nuk janë në planet e Xavit për sezonin e ri: Franck Kessie, Raphinha dhe Ferran Torres.

Nëse Barca është në gjendje të largojë një ose disa nga këta tre lojtarë për një fitim të madh, atëherë mund të financojë një marrëveshje për të nënshkruar me Bernardon ose Felix.

Në këtë moment, Fair-play financiar dhe çështjet e rregullave të pagave në La Liga kanë kufizuar shpenzimet e Barçës në afatin e verës.

Felix tashmë ka shprehur dëshirën e tij për t’u bashkuar me Blaugranat, ndërsa Bernardo gjithashtu përflitet se është tërhequr pas tyre.

Por, Joan Laporta duhet të shikojë të shesë disa nga lojtarët e tij aktualë për të bërë një tjetër nënshkrim veror të suksesshëm dhe për të sjellë një nga dy objektivat në klub.