Tani më në fund është zyrtare: Cristiano Giuntoli është drejtori i ri sportiv i Juventusit.
Këtë e bën të ditur vetë klubi torinez me anë të një postimi në faqen zyrtare, ku i uron mirëseardhjen 51 vjeçarit.
“Cristiano Giuntoli është 51 vjeç dhe i lindur më 12 shkurt 1972 në Firence. Ai e nisi me Carpin dhe më pas mbërriti në Napoli në 2015 me të cilin fiton kampionatin 2022/2023. Tani Giuntoli është me ne.
Fat të mbarë Cristiano dhe mirë se erdhe te Juventus”.
Në fjalët e para si drejtor i Juventus, Giuntoli tregoi gnjë anekdotë që lidhet me fëmijërinë e tij si tifoz i bardhezinjëve: " Ndjesitë e para si menaxher i Juventusit? Ato ishin të pabesueshme, pothuajse të papërshkrueshme. Për një fëmijë si unë i cili u largua nga Prato me autobus dhe bëri një udhëtim 8-orësh për të parë Juventusin është një burim kënaqësie dhe emocion vërtet i pabesueshëm”.
© SYRI.net
Bëje LIKE dhe merr lajmin e fundit nga Sporti: