Pasi Milan shiti Sandro Tonalin te Newcastle për më shumë se 70 milionë euro, vendosi të sjellë disa përforcime në San Siro, ndaj mbrëmë i dhanë fund dy punëve të rëndësishme.

Ata prezantuan zyrtarisht Luka Romeron, një emër mjaft interesant që ka të drejtë të luajë për tre kombëtare. I lindur në Meksikë, 18-vjeçari Romero është quajtur “Messi Meksikan”.

Ai e mori atë pseudonim kur tre vjet më parë, si 15-vjeçar, theu rekordin e La Ligës spanjolle dhe bëri debutimin në futbollin elitar. Ai luajti me fanellën e Mallorcas dhe më pas për dy vitet e ardhshme veshi fanellën e Lacios.

AC Milan unveiled 18 year old Argentine youngster Luka Romero 🇦🇷 as their new signing. What a gem! 💎 pic.twitter.com/3de14t6Vk3

— ARG Soccer News ™ 🇦🇷⚽⭐️⭐️⭐️🏆 (@ARG_soccernews) July 7, 2023

Nuk pati ndonjë shans të madh në Romë, por te Milani vlerësuan se mund të ishte një përforcim i madh për të ardhmen dhe mbrëmë e prezantuan si përforcimin e dytë të sezonit pas Ruben Loftus-Cheek. Romero ka marrë numrin 18 në fanellë dhe përveç asaj meksikane ka edhe pasaportë spanjolle por edhe argjentinase. Ai sapo ka luajtur për kombëtaren e Argjentinës.

Por kjo nuk është e gjitha. Meqë Romero mbërriti falas në Milano, duhet të shpenzohen disa euro, ndaj një marrëveshje me Chelsean për të sjellë një lojtar të tyre, është në prag.

Bëhet fjalë për yllin e Chelseat, Christian Pulisic, i cili pritet të bjerë dakord për kushtet përfundimtare të bashkëpunimit. Milani do të derdhë në arkat e bluve plot 22 milionë euro.