Atletja keniane Faith Kipyegon në turneun e Diamond League në Firence, që u zhvillua të premten, vendosi një rekord të ri botëror në 1500 metra dhe tani rezultati i ri më i mirë është 3:49.11.

Dy herë kampionia olimpike theu rekordin e mëparshëm botëror prej 3:50.07, i cili ishte në fuqi që nga viti 2015 dhe mbahej nga atletja etiopiane Genzebe Dibaba, për gati një sekondë.

Pasi kaloi vijën e finishit, atletja e famshme nuk mundi t’i mbante dot lotët për këtë arritje të madhe.

"Jam vërtet mirënjohës, sot ishte një ditë e mrekullueshme në të cilën gjithçka u bë bashkë. Rekordi botëror ishte në mendjen time që nga viti i kaluar, por doja t'i afrohesha pak nga pak për të parë nëse ishte e mundur ta thyeja këtë vit. Nuk mund ta besoj. Tani kam arritur atë që kam ëndërruar, atë që kam pasur në zemrën dhe mendjen time”, tha sportistja.

This world record was for @FaithKipyegon_ and all the women! We celebrate you Tete! We are so happy for you! This is what your success means, to all women! Inspirational, phenomenon! You are a woman Phenomenally.
Phenomenal woman,That's you.pic.twitter.com/9OQGWGIeU0

— Sheilah Birgen (@SheilahBirgen) June 3, 2023

Kjo nuk ishte e gjitha për rekordin, sepse atletja nga Holanda, Femke Bol, vendosi kohën më të mirë të vitit (52.43 sekonda) në garën e 400 metrave me pengesa dhe me këtë përmirësoi rekordin (52.82) që mbahej nga amerikanja Lashinda Demus që nga viti 2010.

Rekordi u thye edhe në garën 3000 metrave me pengesa dhe pronar i rekordit të ri (9:00.71 minuta) është etiopiania Sembo Almayew, e cila vendosi një rekord personal dhe kohën më të mirë në botë këtë vit. Ajo përmirësoi rekordin me më shumë se katër sekonda.

Gara e re ku do të mblidhen pikë diamanti do të mbahet më 9 qershor në Paris.