Qendërmbrojtësi i Arsenalit, William Saliba, nuk po ia del të rikuperohet për “finalen” ndaj Manchester Cityt, që do të luhet të mërkurën në orën 21:00 në “Etihad Stadium”.
Francezi mungon që prej ndeshjes ndaj Sportingut të Lisbonës, pas një dëmtimi që pësoi në shpinë.
22-vjeçari ka qenë pa dyshim një nga elementët më thelbësorë të skuadrës.
Saliba ka humbur 5 ndeshje në kampionat, në të cilat Arsenali ka marrë 2 fitore dhe 3 barazime.
Djemtë e Mikel Artetës kanë pësuar 9 gola dhe kryesojnë Premier League me 5 pikë më shumë se Manchester City, që ka zhvilluar 2 ndeshje më pak.
Ndërkohë “The Citiziens” duket se vijojnë ecurinë pozitive pas kalimit në gjysmëfinalet e Champions League.
Skuadra e Pep Guardiolës ka siguruar edhe finalen e FA Cup, aty ku do të sfidojë Manchester United në një derbi të zjarrtë.
© SYRI.net
Bëje LIKE dhe merr lajmin e fundit nga Sporti: