Al Nassr doli pa pikë nga derbi ndaj Al Hilal duke komplikuar misionin titull në Arabinë Saudite.

Skuadra e Cristiano Ronaldos humbi 2-0 në një përballje ku legjenda portugeze u bë protagonist negativ.

Në minutat e para të pjesës së dytë u ndëshkua me karton të verdhë pas një bllokimi në stil mundjeje ndaj Gustavo Cuellar.

الحكم يتخذ قراره في لقطة رونالدو وكويلار 🟨#الهلال_النصر | #SSC pic.twitter.com/46umCzdfxT

— شركة الرياضة السعودية SSC (@ssc_sports) April 18, 2023

13 minuta përpara fundit realizoi një gol shumë të bukur, por u anulua nga VAR-i.

Fundi i ndeshjes solli edhe humbjen e qetësisë nga 38-vjeçari.

Tifozët e Al Hilal nisën të thërrisnin në kor emrin e Leo Messit.

Si kundërpërgjigje, CR7 u kthye nga tribuna ku ishin vendosur tifozët kundërshtarë duke prekur organet gjenitale.

Veprimi i tij është bërë menjëherë viral në rrjetet sociale dhe golashënuesi më i mirë i historisë së futbollit po përballet me kritika të shumta.

Al Nassr mbetet në vendin e dytë në kampionatin saudit me tri pikë më pak se kryesuesit e Al Ittihad, me këta të fundit që kanë luajtur një ndeshje më pak.