Federata Botërore e Boksit (WBA) ka bërë të ditur se është arritur marrëveshja në lidhje me luftën mes britanikut Tyson Fury dhe ukrainasit Oleksandr Usyk, për kampionin absolut të botës në boks në peshën e rëndë.

Edhe pse Fury tha të premten se Usyk, kampioni i WBA, IBF dhe WBO, duhet të marrë vetëm 30 përqind të fitimeve nga lufta, duke rrezikuar kështu zhvillimin e saj, ukrainasi tha në rrjetet sociale se ai ishte dakord me ofertën, por vetëm nëse Fury dhuron një milion paund për Ukrainën.

Tyson Fury and Oleksandr Usyk's teams agree to terms for a Wembley April 29 fight https://t.co/YKuCinhgS7

— MARCA in English (@MARCAinENGLISH) March 11, 2023

WBA më pas njoftoi se ishte arritur një marrëveshje dhe se lufta do të zhvillohej më 29 prill në Wembley.

"Presidenti i WBA ka marrë informacion nga ekipet e Oleksandr Usyk dhe Tyson Fury se është arritur një marrëveshje për një luftë për unifikimin e titullit. Ata po kërkojnë kohë për të punuar në kontratat për të mbyllur marrëveshjen," tha WBA në një deklaratë.

Kështu Usyk ra dakord për kushte të pabarabarta vetëm që lufta të mund të zhvillohej, megjithëse ende nuk është konfirmuar që Fury do të dhurojë një milion paund për Ukrainën.