Mërgim Vojvoda dhe Torino përgatiten për ndeshjen e fundjavës në Serie A.
Dhe, në fakt nuk bëhet fjalë për një përballje të zakonshme, pasi Torino zbret në “Allianz Stadium” për të sfiduar rivalët e qytetit, Juventus.
Para kësaj ndeshje, mbrojtësi i Kosovës duket tejet i motivuar duke theksuar se qyteti do të “vishet” me ngjyrat e Torinos, ndërsa shtoi se aktualisht ndjen dhimbje, por që nuk e çon ndërmend të mungojë në ndeshjen me bardhezinjtë.
Jam mirë, ndeshja ndaj Juventus është shumë e rëndësishme. Aktualisht ndjej pak dhimbje, por besoj se do të kalojë shpejt. Tani jam në sezonin e tretë me Torinon dhe e kam kuptuar shumë mirë rëndësinë e derbit, sidomos për tifozët tonë. Do të bëjmë gjithçka për të fituar dhe për ta ‘veshur’ qytetin me ngjyrat tona”, u shpreh Vojvoda.
© SYRI.net
Bëje LIKE dhe merr lajmin e fundit nga Sporti: