Martesa mes Interit dhe Matteo Darmian është e destinuar të zgjasë të paktën edhe një tjetër sezon. Mbrojtësi italian ka rinovuar kontratën e tij dhe do të qëndrojë i lidhur me zikaltrit të paktën deri në vitin 2024.
Lajmin e ka bërë të ditur vetë klubi zikaltër me anë të një postimi në faqen zyrtare. Në të thuhet se Matteo Darmian ka firmosur një kontratë të re e cila skadon më 30 qershor të vitit 2024.
L'Inter e @DarmianOfficial insieme fino al 2024 🤝⚫🔵#ForzaInter
Darmian i cili u transferua në verën e vitit 2021 nga Parma tek Interi është kthyer në një lojtar të rëndësishëm për skuadrën si në kohën e Antonio Contes në drejtim ashtu edhe nën udhëheqjen e Simone Inzaghit. Së fundmi Darmian i ka dhuruar Interit edhe gjysmëfinalen e Kupës së Italisë pasi realizoi golin e vetëm të përballjes ndaj Atalantës.
© SYRI.net
Bëje LIKE dhe merr lajmin e fundit nga Sporti: