Mihajlo Mudrik do të prezantohet sot si lojtari i ri i Chelseat që ia rrëmbeu nga “duart” në momentin e fundit Arsenalit për një shumë prej 100 milionë euro. I riu 21-vjeçar ukrainas ndodhet në Londër për një ekzaminimet mjekësore dhe pritet të jetë në tribunat e Stamford Bridge në orën 15:00 kur Chelsea pret Crystal Palace në javën e 20-të të Premier League.

Kështu te Chelsea do të vazhdojë karrierën një nga lojtarët e rinj më premtues në botë, i cili me transferimin e tij do të thyejë rekordin botëror për paratë e shpenzuara për lojtarë të rinj në një sezon. Deri më tani atë rekord e mbante Reali, i cili në vitin 2019 shpenzoi 397.5 milionë euro dhe Chelsea do ta rrisë këtë shumë në 455 milionë euro duke blerë Mudrik.

Shakhtar qeshi me ofertën prej 55 milionë eurosh

Emri i Mihajlo Mudrik tërhoqi vëmendjen e të gjithëve në fund të shtatorit kur Newcastle u përmend për herë të parë në kontekstin e transferimit të tij nga Shakhtar. Pronarët sauditë përgatitën një ofertë prej 55 milionë eurosh, e cila bëri që Srna dhe shefat e tij të binin nga karriget në Donetsk, por jo nga tronditja, por nga të qeshurat.

"Jack Grealish u shit për 100 milionë euro, dhe Mihajlo sigurisht nuk është lojtar më i keq se ai. Të gjithë lojtarët në pozicionet e tij u shitën për një shumë të tillë dhe ne nuk do ta lëmë Mudrikun të shkojë për më pak. Ne duam vetëm të jemi të respektuar. Nëse lojtarë të tillë vlejnë aq shumë, atëherë nuk do ta lëmë të shkojë për më pak para”, tha Srna vjeshtën e kaluar.

Në fund, Shakhtar mori atë që kërkoi për lojtarin që quhet “Messi ukrainas”, “Neymar i ri” dhe të gjitha epitetet e mundshme të ngjashme. Emri i tij është një surprizë e plotë për ndjekësit më sipërfaqësorë të futbollit, por ata që ndjekin me detaje lojtarët e rinj e dinë shumë mirë se çfarë talenti ka.

Mudrik është një lojtar jashtëzakonisht i shpejtë me një teknikë të tmerrshme që mund të luajë në të dy krahët mjaft mirë. Ai luajti 44 ndeshje për Shakhtarin në karrierën e tij dhe shënoi 12 gola dhe dhuroi 17 asistime, por skautët e kanë ndjekur për vite që kur ai luajti për Shakhtarin në Ligën e Kampionëve për të rinj.

Projekti i klubit

Në klubin ukrainas, pritshmëritë nga Mudriku kanë qenë gjithmonë të mëdha dhe ai prej vitesh është projekt i klubit. Ai debutoi për ekipin e parë nën drejtimin e Paulo Fonseca-s në vitin 2019 kur ishte 17 vjeç dhe në verën e vitit 2021, atëherë trajneri Roberto De Zerbi tha se do të përjetonte një humbje personale nëse nuk do ta bënte Mudrikun një lojtar të madh.

Ndërkohë talenti e Shakhtarit i kapërceu kategoritë e moshave në kombëtaren e Ukrainës dhe në prill të këtij viti u ftua në kombëtaren e madhe, për të cilën deri më tani ka zhvilluar tetë ndeshje. De Zerbi u magjeps nga Mudrik dhe trajneri aktual i Brighton e lavdëroi në fund të dhjetorit kur u shkrua se do të vinte nte Arsenal.

"Arsenali do të marrë një fitues të ardhshëm të Topit të Artë. Ai është një lojtar fantastik dhe klubet si Brighton as që mund të ëndërrojnë ta përballojnë atë. Nuk jam i sigurt për Arsenalin, ndoshta për të tjerët," tha italiani.

Mudrik do të ketë konkurrencë në pozicionet e tij te Chelsea me Raheem Sterling dhe Christian Pulisic, të cilët aktualisht janë të dëmtuar. Janë edhe Joao Felix dhe Hakim Ziyech, të cilët nuk e gjetën kurrë rrugën e tyre te Chelsea dhe Mudrik shumë shpejt mund të bëhet yll në Stamford Bridge.