Manchester United do të zbatojë "Rregullin e Ronaldos", i cili do të parandalojë blerjet e reja dhe lojtarët e ekipit të parë që të fitojnë më shumë se 230,000 euro në javë.
Një kufi de facto i pagave prej 230,000 euro në javë është vendosur në Old Trafford në një përpjekje për të sjellë harmoni në skuadër.
Cristiano Ronaldo, i cili iu bashkua Djajve të Kuq në verën e vitit 2021 para se të largohej në nëntor të vitit të kaluar, ishte lojtari më i paguar në klub me një pagë prej 440,000 euro në javë, raporton Daily Mail.
Aktualisht, David de Gea merr 425,000 euro në javë nga klubi, por kontrata e tij ekzistuese skadon në fund të sezonit.
EXCLUSIVE: Manchester United will enforce 'Ronaldo rule' - limiting salaries to £200k-a-week maximum - as Erik ten Hag attempts to avoid culture of dressing room jealousy at Old Traffordhttps://t.co/XtHPspP4x7
— MailOnline Sport (@MailSport) January 8, 2023
Portierit spanjoll thuhet se do t'i ofrohet një kontratë e re, edhe pse atij do t’i duhet të pranojë një ulje të konsiderueshme të pagës sipas politikës së re.
Lojtarët e tjerë të skuadrës si Raphael Varane, Harry Maguire dhe Casemiro fitojnë nga 200,000 deri në 230,000 euro në javë.
Meqë ra fjala, skuadra e Erik ten Hag ka qenë në formë të mirë që nga rifillimi i sezonit pas Kupës së Botës 2022.
Ata i kanë fituar të pesë ndeshjet e fundit dhe më 10 janar do të përballen me Charlton Athletic në raundin e tretë të Carabao Cup.
© SYRI.net
Bëje LIKE dhe merr lajmin e fundit nga Sporti: