Tani është një gjë e së kaluarës. I liruar nga dy vitet e fundit të kontratës për t'iu bashkuar klubit tjetër katalanas Espanyol , pas tre sezonesh në fanellën e Barçës (58 ndeshje të luajtura, 10 gola dhe 5 asistime në të gjitha kompeticionet),  Martin Braithwaite dëshiron t’ia nisë nga e para dhe për TV3 , ai u rikthye të flasë për kohën e tij te Barcelona, duke deklaruar se njerëzit njohin vetëm gjysmën e historisë, atë nga këndvështrimi i klubit blaugran.

“Është folur shumë për largimin tim nga Barcelona. Kam marrë shumë kritika, disa të drejta, shumë të tjera të padrejta.

Problemi është se njerëzit gjykojnë vetëm nga një këndvështrim, ndërkohë që nuk e dinë të vërtetën”, ka thënë danezi për “TV3”.