Pas njoftimit për largimin nga Bayern Munich, klubi i Augsburg bëri një postim në Twitter për transferimin e Robert Lewandowski te Barcelona, ku nuk munguan notat e humorit.

Klubi gjerman uroi polakun, por gjithashtu është shprehur se nuk do iu mungojë, pasi ish-sulmuesi i Bayern, i ka shënuar Augsburg një “thes” me gola gjatë aventurës së tij në bavari.

“Urime. Nuk mund të themi që na mungon”, ka shkruar skuadra e Augsburg në profilin zyrtar në Tëitter.

"Viktima" e sulmuesit 33-vjeçar, “Fuggerstadt” u kryqëzua 19 herë me Lewy-n dhe u ndëshkua 23 herë nga “bomberi” polak. Një mbyllje e bukur për klubin bavarez që nuk do të ndëshkohet më nga Robert Lewandowski.