“Benzema meriton Topin e Artë!”. Është kjo deklarata e dhënë së fundmi nga ylli argjentinas, Lionel Messi .

Futbollisti i Paris Saint Germain në një intervistë për mediat në Argjentinë, theksoi se askush nuk ka qenë si francezi këtë sezon, për këtë arsye meriton të fitojë gjithçka.

“Mendoj se nuk ka dyshime. Është shumë e qartë se Benzema pati një vit spektakolar. Në Ligën e Kampionëve ishte kyç, që nga e 16-ta e më pas në të gjitha ndeshjet.

E di që ky vit do të jetë ndryshe, tashmë jam i përgatitur për atë që do të vijë, e njoh klubin, e njoh qytetin, jam pak më rehat me dhomën e zhveshjes, me shokët e mi ”, deklaroi sulmuesi argjentinas.