Duket se Lazio dhe CSKA e Moskës e kanë gjetur gjuhën e përbashkët për transferimin e sulmuesit të përfaqësueses së Kosovës, Vedat Muriqi në kampionatin rus të futbollit.
Sulmuesi shqiptarë nuk po përshtatet me futbollin italian dhe skuadra e CSKA-së, duke parë situatën shfaqi interes për shërbimet e 27 vjeçarit.
“Alep Agency” raporton se mes skuadrës italiane dhe asaj ruse është arritur akordi për transferimin e lojtarit për ta marrë atë në huazim me vlerën e 1.5 milion euro dhe më opsion blerje përfundimtare në fund të sezonit për 8.5 milion euro.
Siç duket tanimë fjala e fundit i ka mbetur sulmuesit Muriqi, nëse do preferojë të luajë në kampionatin rus apo do të presë ndonjë ofertë tjetër nga skuadra të kampionateve të tjera europiane.
© SYRI.net
Bëje LIKE dhe merr lajmin e fundit nga Sporti: