Kthimi i Xavi në Barcelonë si trajner kryesor i skuadrës u konfirmua me një kontratë dyvjeçare e gjysmë.

Ish- trajneri i Al Sadd-it fitoi 25 tituj dhe luajti në 767 ndeshje gjatë 17 viteve në klub si lojtar, dhe tani rikthehet në fushë.

“Po kthehem në shtëpi”, ka shkruar Xavi në një postim në rrjetet sociale.

“Po kthehem në vendin ku më ka rritur, po kthehem në klubin e jetës sime .

“Nuk kam fjalë për të përshkruar emocionin që ndjej për të mbrojtur sërish këtë mburojë që është vulosur në zemrën time, për të ndjerë sërish vibrimin e Camp Nou dhe për të dëgjuar sërish brohoritjet e inkurajimit nga këta tifozë të mëdhenj.

“E di që po vij në një moment të vështirë, por këtë sfidë po e përballoj me entuziazmin më të madh. Do të punoj dhe do të luftoj me ju të gjithë për të arritur së bashku vendin që meritojmë.

“Faleminderit Barcelonës për besimin tek unë, si dhe të gjithë tifozëve që besuan se unë duhet të marr këtë rol të rëndësishëm”.

Ditë historike

E hëna do të jetë një ditë historike në Barcelonë , ku tifozët pritet të jenë të pranishëm në prezantimin e trajnerit të ri.

Pas një negocimi të tensionuar me klubin e Katarit Al Sadd , ndërhyrja e Xavi për të detyruar lëvizjen ishte kritike.

Presidenti Joan Laporta , i cili aktualisht është me ekipin në Vigo, do t'i ofrojë trajnerit të ri tre nënshkrime në janar për të forcuar skuadrën e tij.