Mario Balotelli e ka bërë “sefte” në kampionatin turk me fanellën e Adanasporit. Sulmuesi italian i hap rrugë fitores së skuadrës së tij që triumfoi me shifrat 3-1 ndaj Rizespor.
Super Mario, iu bashkua klubit turk gjatë ditëve të fundit të merkatos së verës, kishte zhgënjyer me paraqitjet e tij deri tani, ashtu si e gjithë skuadra, ndërsa pak ditë më parë drejtuesit ia besuan pankinën trajnerit italian Vincenzo Montella.
Në sfidën ndaj Rizespor, Balotelli hapi serinë e golave në minutën e 31-të, duke ekzekutuar saktë një 11-metërsh, ndërsa më pas ishte Vargas që dyfishoi avantazhin. Miqtë rihapën takimin, por vetëm për pak minuta, pasi islandezi Bjarnason shënoi edhe golin e tretë për Adanën, duke vulosur suksesin e parë sezonal, që e ngjit përkohësisht në kuotën e 5 pikëve.
EX VELEZ X EL MUNDO
— El Show de Vélez 💙 (ESV) (@elshowdevelez) September 18, 2021
Primer gol del Monito #Vargas para el @AdsKulubu de Turquía. Su equipo ganó 3 a 1. Su compañero de ataque es nada menos que Mario #Balotelli. pic.twitter.com/1OX9iJKDkk
© SYRI.net
Bëje LIKE dhe merr lajmin e fundit nga Sporti: