UEFA zhvilloi sot një video-konferencë me sekretarët e përgjithshëm të 55 shteteve anëtare ku u morën disa vendime të rëndësishme.

Fazat e fundit të Ligës së Kampionëve dhe Ligës së Evropës të këtij sezoni raportohet se do të zhvendosen në korrik dhe gusht pasi pandemia e koronavirusit vazhdon të shkaktojë kaos në kalendarin e futbollit.

Dhe të gjitha ndeshjet ndërkombëtare të planifikuara për në qershor do të shtyhen deri në vjeshtë për të liruar rrugën për përfundimin e sezonit 2019/20.

Pavarsisht kësaj situate UEFA është e vendosur që ky sezon të përfundojë, çfarëdo qoftë kostoja ekonomike apo faktorë të tjerët.

Kampionatet dhe kompeticionet europianë për klube pritet të zhvillohen deri në fund të gushtit.