Barcelona fitoi mbrëmjen e djeshme në “Camp Nou” ndaj Leganes me rezultatin 3-1, ku njëri prej protagonistëve ishte Ousmane Dembele, i cili shënoi golin e parë.

Francezi ishte më i miri në fushë, por kjo deri në minutën e 69-të, kur një dëmtim e detyroi të largohet nga fusha e lojës para kohe.

Dembele rrëshqiti në fushë, këmba e tij e majtë u bllokua dhe pas verifikimeve të para nga ana e mjekut të Barçës, u mor vendimi i detyrueshëm për zëvendësimin e tij.

Mjeku konfirmoi për trajnerin Valverde se bëhej fjalë për një dëmtim të gjurit dhe kaviljes së majtë.

Gjithsesi, do të jenë orët në vijim që do të saktësojnë nivelin e dëmtimit, sikurse dhe periudhën e rikuperimit të francezit Dembele, i cili dje luajti ndeshjen e tij të 50-të me fanellën e Barcelonës.

Fat i keq për francezin që po përjetonte formën e tij më të mirë.