Një atmosferë e veçantë gëzimi dhe kureshtjeje ka mbushur sot ambientet e Syri Televizionit, ku mysafirë të veçantë ishin fëmijët e një kopshti në Tiranë.
Të vegjlit vizituan studiot dhe u njohën nga afër me botën magjike të televizionit.
Gjatë vizitës, fëmijët panë studion e lajmeve, kamerat, ndriçimin dhe ambientet ku përgatiten emisionet.
Me sytë plot shkëlqim dhe pyetje të pafundme, ata mësuan si realizohet një transmetim dhe si arrin lajmi në ekranet e çdo shtëpie.
Stafi i televizionit i priti me ngrohtësi, duke u shpjeguar me fjalë të thjeshta procesin e punës dhe duke u dhënë mundësinë të provojnë mikrofonin apo të ulen në studion e transmetimit.
Për shumë prej tyre, kjo ishte hera e parë që hynin në një televizion, një përvojë që do ta kujtojnë gjatë.
Vizita e vogëlushëve u kthye në një ditë të bukur dhe frymëzuese, ku buzëqeshjet e fëmijëve ndriçuan ambientet e Syri TV, duke sjellë energji pozitive dhe emocion të veçantë për të gjithë.
FOTO GALERI:
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
'Kadri Roshin e vrau ish-drejtori i Spitalit' / I biri i përlotur: I bënë mjekim të gabuar
Nëse ju dalin kërpudha në vazot e luleve, mos i hiqni menjëherë
Gabimi që bëjnë shumica me kondicionerin dhe si ta shmangni gjatë verës