Një incident ka ndodhur pranë zonës së Kalasë, ku si pasojë e shkëputjes së gurëve nga shpati dhe rrëzimit të një peme në rrugë, qarkullimi i automjeteve është bllokuar përkohësisht.

Ngjarja ka shkaktuar vështirësi për drejtuesit e mjeteve, ndërsa në zonë është krijuar trafik dhe radhë automjetesh.

Pas ndërhyrjes së shpejtë të Policisë Bashkiake, Policisë së Shtetit dhe shërbimit zjarrfikës, pema dhe gurët janë hequr nga rruga, duke bërë të mundur rikthimin e qarkullimit në normalitet.