Një studim i kryer nga qeveria holandeze ka treguar se ndalimi i telefonave celularë dhe pajisjeve të tjera elektronike në shkolla ka ndikuar pozitivisht në përqendrimin e nxënësve.
Nga 317 shkolla të mesme që morën pjesë në anketë, tre të katërtat raportuan përmirësim të dukshëm në përqendrimin e nxënësve pas ndalimit të celularëve në klasë.
Për më tepër, gati dy të tretat e shkollave vunë re një përmirësim të klimës shoqërore brenda ambjenteve shkollore, ndërsa rreth një e treta raportoi përmirësim në performancën akademike të nxënësve.
“Më pak shpërqendrime, më shumë vëmendje ndaj mësimit dhe nxënës më të shoqërueshëm. Mospasja më e telefonave në klasë ka dhënë rezultate pozitive. Është shumë inkurajuese që shkollat po ndërmarrin hapa në këtë drejtim,” u shpreh zëvendësministrja për Arsimin Fillor dhe të Mesëm, Mariel Paul.
Masa për ndalimin e celularëve hyri në fuqi në janar 2024 dhe zbatohet si në shkollat e mesme, ashtu edhe në ato fillore. Syri.net-iefimerida
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Universi mund të përmbajë mendje më të çuditshme nga ç'mund ta imagjinojmë
Si të ruani vetëbesimin kur punoni nga shtëpia
Mësuesit zbulojnë, zakonet e prindërve që e bëjnë shkollën më të vështirë për fëmijët