Loja që përmirëson gjumin dhe forcon trurin, ja si funksionon

A mund të përmirësojmë gjumin dhe të forcojmë kujtesën në të njëjtën kohë? Po, dhe pa shumë përpjekje.

Shkenca e konfirmon këtë dhe ofron disa këshilla të thjeshta për të arritur këto përfitime si shmangia e kafeinës, ushqimeve të rënda dhe përdorimit të telefonit në mbrëmje, ndërsa përqendrimi në aktivitete të qeta si leximi i një libri ndihmon ndjeshëm.

Megjithatë, jo të gjithë i përmbahen këtyre zakoneve. Shikimi i televizorit, konsumimi i pijeve të gazuara apo ushqimeve të pashëndetshme mbeten zakon i zakonshëm, edhe pse ndikojnë negativisht në cilësinë e gjumit.

Cila është zgjidhja?

Më e thjeshtë nga sa mendoni janë fjalëkryqet.
Ato janë një mënyrë relaksuese për të aktivizuar trurin, duke ndihmuar në përgatitjen për gjumë të qetë dhe të thellë. Përveçse ofrojnë një ndjesi nostalgjie dhe kënaqësi, fjalëkryqet ndikojnë pozitivisht edhe në funksionin njohës.

Studimet tregojnë se zgjidhja e fjalëkryqeve ndihmon në ngadalësimin e rënies së kujtesës dhe përmirëson përqendrimin, veçanërisht tek të rriturit mbi 50 vjeç.

Një studim i fundit i publikuar në NEJM Evidence zbuloi se fjalëkryqet janë më efektive sesa lojërat elektronike për stërvitjen e trurit. Pjesëmarrësit që zgjidhnin fjalëkryqe përjetuan më pak humbje kujtese dhe më pak tkurrje të trurit.

Fjalë kryqet janë një gjendje relaksi, të cilat ndihmojnë edhe në minimizimin e përdorimit të pajisjeve elektronike të cilat ndikojnë në ngadalësimin e prodhimit të melatoninës(hormoni i gjumit). Syri.net-iefimerida