Pushime më të shtrenjta por dhe një euro me më pak vlerë se një vit më parë, I ka bërë shqiptarët të jenë më të kufizuar këtë vit për rezervimet e tyre jashtë vendit.

Agjencitë turistike raportojnë për një rënie të prenotimeve pak javë para fillimit të sezonit turistik.

“Ka rënë pak numri I rezervimeve por ka dhe rezervime mes sezonit. Mendojmë që janë çmimet e paketave janë më shtrenjtë. Faktori i rënies së euro ka ndikuar kështu që shumë hotele ndoshta mund të kenë ndryshuar me 100 200 euro krahasim me vjet. Prenotimet kanë filluar që në janar. Destinacionet e preferuar mbetet Greqia dhe Turqia”, shprehet turoperatorja, Seidini.

Përballë paketave të shtrenjta shqiptarët kanë ndryshuar standardin e pushimeve të tyre.

“Ka dhe opsione ekonomike që ofrojnë mëngjes dhe darkë paketa që janë all inclusive. Kështu kanë dhe kosto më të ulëta. Për familjarët më të preferuara janë Greqia dhe Turqia. Këtë vit po preferohet shumë Italia për shkak të fluturimeve low cost. Shumë të rinj cifte i preferojnë. Greqia përveç Korfuzit dhe Halkidiki preferohet Kreta, Mykonos, Santorini etj”, shton Seidini.

Fluturimet low cost por dhe linjat direkte po kthehen në opsionet më të pëlqyera për pushimet e shqiptarëve.