Amortizohet rruga “Kupe Danje” në Shkodër. Dhjetëra banorë që përdorin këtë aks, kërkojnë ndërhyrje, pasi gropat e krijuara dhe pusetat pa kapak, po dëmtojnë automjetet.
Nga SYRI TV
Rruga “Kupe Danje” në lagjen “Qafëhardhi” në qytetin e Shkodrës është degraduar. Ajo është kthyer në këtë mënyrë në një rrugë shumë problematike për banorët.
Në disa zona rruga ka pësuar dëmtime te shtresës së asfaltit dhe gropat e krijuara po dëmtojnë edhe makinat e banorëve që jetojnë në këtë lagje.
Ndërkohë mungesa e kapakëve të pusetave pothuajse në të gjithë gjatësinë e rrugës është kthyer në një problem tjetër shqetësues për banorët.
Banorët u bëjnë thirrje institucioneve përgjegjëse të marrin masa për të ndërhyrë në riparimin e rrugës.
© SYRI.net