SpaceX dhe Blue Origin në garë për Hënën: Kush do të dominojë të ardhmen e eksplorimit hapësinor?

Kompanisë SpaceX i është dhënë një rol më i madh në planet e ardhshme të NASA për misionet drejt Hënës, por ajo po përballet me presion të madh për të përmbushur afatet.

Anija Starship duhet të provojë brenda disa viteve të ardhshme se mund të realizojë një mision të plotë hapësinor, ndërsa aktualisht konsiderohet prapa planit ideal të NASA-s.

Ndërkohë, Blue Origin ka siguruar kontratën e saj për një modul uljeje nga NASA dhe po ngushton diferencën, duke testuar raketën New Glenn dhe duke propozuar një arkitekturë alternative për misionet e ardhshme të programit Artemis.

Në këtë mënyrë, po krijohet një garë e vërtetë mes kompanive për të përcaktuar të ardhmen e ekonomisë hënore dhe eksplorimit afatgjatë të Hapësirës.

Aktualisht, raketat Orion dhe SLS mbulojnë fazat e ngritjes dhe rikthimit në Tokë, ndërsa kompanitë private po konkurrojnë për transportin e ekuipazheve dhe ngarkesave përtej orbitës së Tokës.

Sipas ekspertëve, ritmi me të cilin SpaceX do ta bëjë plotësisht funksionale Starship-in dhe shpejtësia e avancimit të Blue Origin do të përcaktojnë se si do të duket dekada e ardhshme e eksplorimit hënor./BBC