Në Ditën Botërore të Astmës dhe Alergjisë, shifrat tregojnë rritje të patologjisë së këtyre sëmundjeve ndër vite. Sipas mjekëve, në çdo 10 vite ka rritje me 50% të prevalencës, por edhe shtim të vizitave sa i përket sëmundjeve alergjike.
“Gati 20% ë popullatës vuan nga një nga format e alergjisë por dhe tek pacientët me astmë kemi një rritje me gati 50% të prevalencës së saj në çdo 10 vite. 20-30 pacient çdo ditë vijnë bëjnë provat e alergjisë dhe që kanë nevojë për asistencë mjekësore” u shpreh mjeku Mehmet Hoxha.
“Kemi një 2fishim 3fishim të prevalencës së astmës tek grupmoshat fëmijnore, pra shkojnë deri në 6%-7% por kjo prevalencë duket në punën tonë të përditshme që vazhdon dhe rritet” thotë mjekja Eris Mësonjësi.
Ndotja konsiderohet faktori më ndikues në përkeqësimin e këtyre sëmundjeve, pasi ka ndikim në agresivitetin dhe shtimin e intensitetit të simptomave.
Për mbrojtje nga sëmundjet alergjike, mjekët bëjnë thirrje për kryerjen e vaksinës, efektshmeria e së cilës sipas tyre është e lartë, dhe duhet bërë rregullisht çdo 3 apo 5 vite.
© SYRI.net