Edhe pse urinimi në mes të natës nuk është i rrallë, por nëse ndodh shumë shpesh mund të tregojë disa probleme shëndetësore, ndaj është e nevojshme një vizitë te mjeku.

Sipas urologut doktor Adam Ramin, urinimi i shpeshtë gjatë natës mund të shkaktojë edhe nokturinë, një mosfunksionim i shpeshtësisë së urinimit që ndodh gjatë gjumit të natës.

“Është normale që njerëzit e moshës së mesme të ngrihen të paktën një herë në natë për shkak të nevojës për të urinuar, ndonjëherë dy herë, dhe kjo është gjithnjë e më shqetësuese”, thotë mjeku i përgjithshëm David Betty.

Nokturia, thonë mjekët, mund të shkaktohet nga një sërë sëmundjesh dhe zakonisht bie në një nga tre kategoritë - çrregullime të sistemit nervor qendror (si tumoret e trurit dhe apnea), çrregullime kardiovaskulare ose të muskujve të fshikëzës (për shkak të diabetit, kancerit të fshikëzës ose të zmadhimit prostatës).

“Nokturia gjithashtu mund të jetë vetëm një shenjë e një infeksioni të traktit urinar ose të fshikëzës”, tha Dr. Ramin për Best Life , por edhe ato infeksione mund të kenë pasoja të rënda nëse nuk trajtohen.

Dr. Diarhale Collins nga Spitali Universitar Cork thotë se medikamente të caktuara, si diuretikët dhe relaksuesit e muskujve, mund të shkaktojnë gjithashtu nokturinë.

“Hapi i parë në trajtim është zbulimi i shkakut të saj të vërtetë”, tha Dr. Collins, i cili shtoi se edhe kur shkaku themelor i nokturisë nuk është serioz, ajo mund të ndikojë negativisht në trup.

“Sa më shpesh të zgjoheni natën për shkak të zbrazjes së fshikëzës, aq më e shqetësuar mund të jetë ajo”, thotë ajo, sepse koha totale e gjumit reduktohet dhe gjumi është i dobët, gjë që ndërhyn në fokusin gjatë ditës dhe ndikon në humor.

Për shkak të gjithë kësaj, ekspertët këshillojnë që nëse zgjoheni shpesh natën për shkak të fshikëzës, vizitoni një mjek i cili do t'ju ndihmojë të zbuloni shkakun dhe ndoshta të filloni trajtimin.