Një studim i botuar në revistën 'Science' ka treguar se SARS-CoV-2 dhe viruset e tjera të frymëmarrjes përhapen kryesisht nga aerosolet që grumbullohen në ajër për orë të tëra dhe janë të ngarkuara me grimca virale që shkaktojnë infeksion.

Ky përfundim ndryshon paradigmën që ekzistonte deri më tani, e cila pohonte se viruset e frymëmarrjes si gripi, fruthi ose rhinovirus merren nga njerëzit e infektuar me anë të teshtitjes ose kollitjes. 

Madje besohej se sipërfaqet e kontaminuara nga këto pika mund të shkaktonin infeksione.

Gjatë rishikimit të dokumenteve të studimeve të ndryshme, ekspertët verifikuan se shkaku më i mundshëm i përhapjes ishte transmetimi në ajër, pasi në të gjitha rastet, infeksionet ndodhën kur thithnin ajrin nga një dhomë me ajrosje të dobët.

“Transmetimi i thithjes së aerosoleve të ngarkuara me virus është nënvlerësuar prej kohësh. Është koha për të rishikuar modelet konvencionale të parandalimit dhe për t’i përshtatur ato me aerosolet për t’u mbrojtur nga kjo rrugë transmetimi ”, përfundon drejtuesi i studimit, Chia C. Wang.