Ministri i Mbrojtjes i Kroacisë Damir Krsticeviç dha dorëheqjen të enjten pasi dy pilotët u vranë nga rrëzimi i një aeroplani të vogël ushtarak në jug të Kroacisë.
Avioni i trajnimit Zlin u rrëzua të enjten pasdite pranë qytetit të Zadarit, raporton Reuters.
“Është e vështirë për çdo ministër të mbrojtjes dhe komandantin të humbasë një ushtar. Është e rëndësishme të kryhet një hetim i plotë dhe transparent për atë që ndodhi, "tha Krsticeviç në një konferencë për shtyp, duke shtuar se ai kishte vendosur të tërhiqet.
Ai gjithashtu kujtoi edhe dy pilotët e vrarë në janar në një përplasje të një helikopteri ushtarak.
Kryeministri Andrej Plenkoviç do të takohet me Krsticeviç të premten, tha një përfaqësues i qeverisë për agjencinë shtetërore të lajmeve Hina.
Përfaqësuesi nuk tha nëse Plenkoviç do ta pranonte dorëheqjen.
© SYRI.net