Seanca gjyqësore e parashikuar që të mbahej sot, për ccështjen e Prokurorisë Publike Speciale “Titanik 2” në lidhje me parregullsitë zgjedhore në vitin 2013, është shtyrë për më 10 maj.

Gjykatësi Ognen Stavrev pranoi kërkesën e palës mbrojtëse për shtyrjen e seancës, me qëllim që të mund të rishikohet teksti i aktakuzës, që në sencën e sotme e lexoi prokurorja Fatime Fetai.

Lideri i PDSH-së, Menduh Thaçi dhe ish drejtori i DSK-së, Sasho Mijallkov, të akuzuar për këtë rast, sot erdhën në seancën e paraparë në Gjykatën Penale.

Përveç Thaçit dhe Mijallkovit, në këtë rast të akuzuar janë edhe ish antarët e KSHZ-së, Bedredin Ibraimi, Aneta Stefanovska, Vlatko Sajkovski, Sasho Srcev, ku të gjithë ishin të pranishëm.