Kos ‘rrëzon’ planin Rama-Vuçiç: Më duket se nuk e dinë sa shumë reforma duhen në fushën e sundimit të ligjit

Komisionerja për Zgjerimin, Marta Kos, duke folur në një forum të organizuar nga portali i njohur Politico, rrëzoi projektin e Edi Ramës dhe Aleksandër Vuçiç për një integrim jo të plotë në BE.

Rama dhe Vuçiç kërkuan që BE t’i ofrojë Shqipërisë dhe Serbisë anëtarësimin e pjesshëm vetëm në tregun e përbashkët dhe në zonën Shengen.

Por Kos tha se nuk është e sigurt nëse këta liderë e dinë se sa shumë reforma duhen realizuar, sidomos në fushën e sundimit të ligjit, për t’u bërë pjesë e Shengenit apo tregut të përbashkët.

Ajo tha se procesi i reformave është i vështirë në çdo rast.

Analistët dhe ekspertët mendojnë se Rama dhe Vuçiç duan një anëtarësim të tillë të pjesshëm pasi besojnë se do të shmangin reformat në fushën e sundimit të ligjit.

Në këtë mënyrë ata mendojnë se do të tolerohen të vazhdojnë vjedhjet dhe korrupsionin, por edhe abuzimin me të drejtat themelore të njeriut dhe të drejtën e votës.

Kjo nuk është hera e parë që Brukseli rrëzon planin e tyre.

When asked about the idea recently floated by leaders of 🇦🇱 and 🇷🇸 in an #FAZ op-ed—full #single #market and #Schengen integration as an interim step towards full 🇪🇺 membership—Commissioner Marta #Kos told #PoliticoEurope that “it will ultimately depend on the direction [#EU]… pic.twitter.com/umzdmRlQRI

— Adi Ćerimagić (@adicerimagic) March 24, 2026