I pyetur nga gazetarët jashtë sallë së Kuvendit lideri i opozitës Sali Berisha tha se, “përdorimi i ish-udhëheqësve të UÇK-së si mburojë politike është një akt i shëmtuar”.

Pyetje: A do t’i bashkoheni deklaratës për dënimin e ish-krerëve të UÇK-së, propozim i bërë nga Taulant Balla?

Sali Berisha: Përdorimi i ish-udhëheqësve të Ushtrisë Çlirimtare të Kosovës dhe udhëheqësve politik të Kosovës, nga një kriminel ordiner si mburojë, është një akt i shëmtuar.

Unë kam shprehur pikëpamjet e mia lidhur me atë proces, por edhe njëherë kjo tregon se, sa të ulët janë këta dhe çfarë janë në gjendje të bëjnë për të mbrojtur vjedhjet e tyre.

Nëse do të ishte serioze kjo, nuk ngrihej kjo atëherë kur deputetët e opozitës kërkonin mandatin e Lubi Ballukut.

Kjo u ngrit vetëm e vetëm si një mënyrë për të tejkaluar çështjen e mandateve.