Deputetja e Partisë Demokratike, Albana Vokshi, ka reaguar ashpër pas pezullimit të vizave nga Shtetet e Bashkuara, duke e cilësuar këtë zhvillim si një pasojë të drejtpërdrejtë të korrupsionit, lidhjeve me krimin dhe shndërrimit të Shqipërisë në një narkoshtet.

Sipas Vokshit, përgjegjësia nuk bie mbi qytetarët e ndershëm shqiptarë, por mbi një pushtet të kapur, i cili po e izolon vendin dhe po e largon Shqipërinë nga Europa dhe bota demokratike. Ajo thekson se izolimi ndërkombëtar është alarm serioz për gjendjen e shtetit dhe dështimin e qeverisjes.

Në këtë kuadër, deputetja u bën thirrje qytetarëve të protestojnë më 24 janar 2026, përpara Kryeministrisë, kundër një qeverie që po mbyll dyert e së ardhmes dhe po ndëshkon padrejtësisht shqiptarët.

Reagimi i plotë: 

🚫 SHBA pezullon vizat!!
Kur një vend kthehet në narkoshtet, i sunduar nga krimi, kartelet dhe korrupsioni, pasojat janë të pashmangshme.
❌ Nuk është faji i qytetarëve. ❌ Është faji i një pushteti të kapur.
Shqipëria po izolohet!!
Protesto në datë 24 Janar!
Protesto për largimin e një Qeverie që po na largon nga Europa dhe izolon nga bota!!
Protesto! 24 janar 2026 Para Kryeministrisë!!!