Disa orë para protestës kombëtare, kryetari i Partisë Demokratike, Sali Berisha, u bëri thirrje qytetarëve t’i bashkohen opozitës në tubimin para Kryeministrisë, për të protestuar kundër korrupsionit dhe vjedhjeve të qeverisë dhe për të kërkuar largimin e kryeministrit Edi Rama. Në konferencën për media, lideri i opozitës deklaroi se protesta e 22 dhjetorit do të jetë inaugurimi i një beteje, që do të sjellë kthesën e madhe drejt fitores së qytetarëve.
I pyetur për skenarët e protestës, kreu demokrat u shpreh se protesta kombëtare është një proces i cili do të vijojë deri në rrëzimin e kryeministrit Edi Rama.
Berisha u ndal edhe te dy aferat aktuale të qeverisë Rama, atë të AKSHI-t dhe hetimeve për tenderat korruptivë të rrugëve me vlerë 1.1 miliardë euro, duke thënë se këto çështje faktojnë vjedhjet e kryeministrit dhe pasurimin e tij me paratë e shqiptarëve.
Lideri i opozitës foli edhe për aksionin në Parlament, duke thënë se opozita nuk do të ulet më në tryezat e reformave dhe do të shtrijë betejën e saj edhe në Kuvend.
Kreu i Partisë Demokratike u bëri thirrje edhe partive të tjera opozitare që, pavarësisht dallimeve, t’i bashkohen protestës kundër qeverisë Rama, që e cilësoi si të keqen më të madhe.
© SYRI.net
Shqiptari nga Anglia në Tiranë për të larguar Ramën: Ka ardhur koha të përshkallëzojmë etapat
VIDEO/ Gjoni: Rama ka humbur toruan, ky është një revolucion që do ti ndryshojë faqen Shqipërisë
30 orë rrugë për t'iu bashkuar protestës!' Shqiptari nga Frankfurti: S'duam të emigrojnë si ne, duam të kthehemi 
Denonco
Merrni lajmet më të fundit nga SYRI.net në çdo moment dhe kudo që të jeni!
