SYRI TV/ BE e shqetësuar për sulmet e Ramës: Cënojnë pavarësinë e gjyqësorit

Ambasada e Bashkimit Europian në Shqipëri, shprehu shqetësimin për sulmet e kryeministrit Edi Rama ndaj gjyqtarëve e prokuroreve, duke i cilësuar si ndërhyrje që cënojnë pavarësinë e gjyqësorit. Ndërsa Rama prej muajsh po kërcënon  publikisht gjyqtare e prokurore, delegacioni i BE i kujton se drejtësia e pavarur është një kusht për integrimin në union.

Syri TV

Delegacioni i Bashkimit Europian në Shqipëri, ka reaguar me shqetësim, pas sulmeve dhe kërcënimeve të kryeministrit Edi Rama, ndaj  gjyqtarëve dhe prokurorëve. Në një  reagim për mediat, ambasada e BE në Tiranë, thekson se ndërhyrjet e papërshtatshme politike, cënojnë pavarësinë e gjyqësorit, ndërsa thekson se  drejtësia e pavarur është një prioritet kyç i procesit të  anëtarësimit në BE. 

Mbështetja për një sistem drejtësie të pavarur, të përgjegjshëm dhe efektiv mbetet në qendër të misionit të Delegacionit të BE-së në Shqipëri dhe një kusht kyç për përparimin në negociatat e anëtarësimit në BE. BE-ja ndjek nga afër zhvillimet në këtë fushë, përfshirë përpjekjet për ndërhyrje të papërshtatshme politike që cenojnë pavarësinë e gjyqësorit dhe që gjithashtu mund të gërryejnë besimin e publikut tek sistemi i drejtësisë.

Gjatë muajve të fundit, kryeministri Edi Rama është bërë protagonist i sulmeve ndaj sistemit të drejtësisë, duke i  linçuar dhe kërcënuar publikisht, ata gjyqtarë dhe prokurorëve që kanë marrë vendime,  të cilat kryeministrit nuk i pëlqejnë.