Sokol Balla e bllokoi, Haris Vongli: Ja për këtë censurë e kishte fjalës Berisha

Studiuesja e marrëdhënies media-politikë, Haris Vongli, ka reaguar ashpër ndaj një praktike që sipas saj përbën censurë nga ana e gazetarit Sokol Balla.

Reagimi i Vonglit erdhi pasi Balla e bllokoi në rrjetet sociale, duke mos i dhënë as mundësinë që të redaktojë postimin e saj.

‘Ja për këtë lloj censure e kishte fjalën Berisha o Sokol Balla. Sepse menjëherë sapo komentova tek postimi juaj, nuk mundem më të komentoj, apo të rregulloj ndonjë gabim gramatikor, apo pse jo të replikoj me ju mbi faktet e parashtruara nga unë. Kjo është neveri,’ shkruan Vongli.

Ajo shton se mediat dhe gazetarët në Shqipëri, edhe në vitin 2025, vazhdojnë të bllokojnë apo censurojnë zërat kritikë:

‘Këto media, këta gazetarë, në 2025, që bllokojnë apo censurojnë kundrejt meje, një studiuese e thjeshtë e marrëdhënies ‘media-politike’. Imagjino të kesh përgjegjësi më shumë se çfarë mund të të bëjnë këta milionerët që kanë pushtuar mediat. Mjerim ky vend. Mjerim.’