Deputeti dhe drejtuesi Politik i Partisë Demokratike për qarkun Fier, Luan Baçi, zhvilloi një takim me fermerët e zonës së Frakullës, të cilët denoncuan faktin që janë braktisur nga ana e qeverisë, pasi u mungojnë subvencionet dhe gjetja e tregut. Në takim ishte edhe drejtuesi i Departamentit të Bujqësisë në PD, Gjok Vuksani, i cili deklaroi se qeveria ka si interes shitjen e prodhimit të huaj dhe jo atij vendas.
Nga SYRI TV
Zyrtarët e Partisë Demokratike zhvilluan një takim me fermerët e zonës së Frakullës, të cilët bën me dije problematikat me të cilat përballen çdo ditë.
Fermerët denoncuan faktin se gjatë këtyre viteve janë braktisur nga ana e qeverisë, pasi u mungojnë subvencionimet dhe gjetja e tregut.
Në fjalën e tij, deputeti dhe drejtuesi politik i PD-së për qarkun e Fierit, Luan Baçi, akuzoi mazhorancën se i shpërndan subvencionet tek militantët socialistë.
Ndërsa drejtuesi i Departamentit të Bujqësisë në PD, Gjok Vuksani, deklaroi se qeveria ka si interes shitjen e prodhimit të huaj dhe jo atij vendas.
Fermerët deklaruan se politikat e gabuara të qeverisë kanë detyruar që të emigrojnë edhe fermerë të kësaj zone.
© SYRI.net