Krahina e Mirditës, ka pritur një numër të lartë turistësh gjatë vitit 2023. Sipas të dhënave, zonat turistike të bashkisë Mirditë, i kanë vizituar rreth 60 mijë turistë.

Nga SYRI TV

Viti 2023, është mbyllur me bilanc pozitiv për turizmin në bashkinë e Mirditës. Së paku kështu njoftojnë autoritetet lokale, të cilët tregojnë se rreth 60 mijë turistë vizituan Mirditën vitin që lamë pas.

Sipas Niko Nikollit, drejtues i “Info Kulla Mirdita”, veç në këtë qendër muze-informuese, ka pasur një numër të lartë turistësh.

Pjesa më e madhe e turisteve kanë qenë nga vende të ndryshme të Evropës, por nuk kanë munguar as të ardhurit nga kontinente të tjera, ndërsa interesi i tyre ka qenë për gjithçka ofron Mirdita.

Për zhvillimin e turizmit në Mirditë gjatë viteve të fundit janë hapur dhjetëra kilometra shtigje në disa zonë, por problem mbetet infrastruktura rrugore e degraduar.