Kryetari i FRPD, Besard Xhaferri ka reaguar pas vendimit të GJKKO e cila pranoi kërkesën e SPAK për të caktuar arrest shtëpie me mbikëqyrje policore për liderin e opozitës, Sali Berisha.
Xhaferri është shprehur se Ky vendim shoqërohet edhe me ndalimin e komunikimit të liderit të opozitës me persona të tjerë veç familjes dhe daljen jashtë vendit, teksa për ironi të fatit prokuror i çështjes që rrëzoi liderin e lëvizjes antikomuniste është një ish hetues i regjimit si Arben Kraja
Reagimi:
Nuk ka asnjë surprizë, GJKKO ka pranuar kërkesën e SPAK për të caktuar arrest shtëpie me mbikëqyrje policore për liderin e opozitës, Sali Berisha.
Ky vendim shoqërohet edhe me ndalimin e komunikimit të liderit të opozitës me persona të tjerë veç familjes dhe daljen jashtë vendit, teksa për ironi të fatit prokuror i çështjes që rrëzoi liderin e lëvizjes antikomuniste është një ish hetues i regjimit si Arben Kraja.
Urimi i parë Kryeministrit Edi Rama me siguri do t'i vijë nga Kremlini, pasi vetëm atje kreu i opozitës burgoset me një dosje politike pa asnjë provë të vetme dhe asnjë akuzë konkrete.
SPAK po tenton të çojë deri në fund misionin për të cilin Mcgonigal dështoi, vrasjen e opozitës reale.
Ky vendim i Gjykatës është i koordinuar me vendimet gjyqësore për zvarritjen e çështjes së vulës e për fat të keq vendimet dirigjohen në zyrat e Kryeministrisë.
Përballja, protestat dhe rezistenca janë të vetmet alternativa që na kanë mbetur!
Nuk do lejojmë që Shqipëria të shndërrohet në Rusinë e dytë e Ballkanit!
© SYRI.net