Ish-prokurori Eugen Becaj i ftuar ne emisionin "Drejt" ne "Ora News" teksa komentoi rastin e paprecedentë të gazetarit të “Ora News” Elton Qyno, i cili për më shumë se 15 orë u mor në pyetje dhe iu bë presion për të treguar burimet e lajmeve që ai raporton, dhe jo “tradhtarët” brenda radhëve të saj, theksoi se nuk ka asnjë rast në botë kur në raste të tilla që ka fituar prokuroria, por gjithmonë kanë fituar gazetarët.

“Kjo është një histori shumë e vjetër, por asnjëherë nuk ka përfunduar në këto situata ku ka shkuar sot. Në asnjë vend të botës nuk ndodh që një gazetar të ketë të dhëna dhe të mos i publikojë, pse duhet të vetëcensurohet gazetarit përsa kohë ai nuk ka faj. Mos kërko pasojën, por kërko shkakun”, tha ish-prokurori Beci.