I ftuar në Çim Peka Live, Sekretari i Përgjithshëm i PS-së, Blendi Klosi foli edhe për marrëveshjen e refugjatëve të firmosur nga kryeministri Edi Rama dhe homologia italiane Giorgina Meloni.
Sipas Klosit, kjo marrëveshje u bë publike në momentin që është gjykuar për tu marrë vesh nga opinioni publik.
Klosi: Opinioni publik u njoh me marrëveshjen në momentin që është gjykuar për t'u marrë vesh nga opinioni publik ajo marrëveshje. Marrëveshja e arritur me qeverinë italiane është një marrëveshje e cila vjen në një moment të caktuar, në një moment ndihme që Shqipëria i ofron qeverisë italiane, në një moment pozitiviteti mes dy qeverive tona.
Për sa i përket asaj që ka thënë kryeministri për këtë marrëveshje dhe marrëveshje të ngjashme me vende të tjera të BE-së, është kërkuar që me Italinë të kemi një moment preferencial për shumë arsye, në radhë të parë për raportin tridhjetë e ca vjeçar të demokracisë, një moment shumë i favorshëm dhe nga afërsia ndërmejt dy vendeve tona.
Tashmë që marrëveshja është bërë publike nuk i keni më këto dilemat që çfarë thotë marrëveshja.
© SYRI.net