Gazetari i njohur Roland Qafoku, i ftuar mëngjesin e sotëm në 'Kafe Shqeto' u shpreh se bazuar në incidentin e ndodhur ditën e djeshme në parlament, nuk beson se ekzistojnë hapësira juridike pasi një demokraci e mirë e normale është ajo që në parlament i plotësohen çdo kërkesë opozitës.
Deklarata e tij:
Roland Qafoku: “Tani ky është një standart i demokracisë që jo thjesht kërcet por që nuk po plotësohen kërkesat e opozitës në parlament, ka një problem kadinal mendoj unë, nuk është e thjeshtë.
Sado të gjenden hapësira, por nuk besoj se ekzistojnë hapësira juridike pasi një demokraci e mirë e normale është ajo që në parlament i plotësohen çdo kërkesë opozitës.
Sot vëmë në diskutm një kërkesë të opozitës duket që ka një problem madhor, unë nuk e di pse e ka bërë këtë zonja Nikolla dhe nuk besoj se është vendim i saj personal, duhet të jetë vendim i partisë socialiste dhe ajo thjeshtë e ka ekzekutuar.
Nuk e di as arsyen pse e ka bërë, por duket se mazhoranca është vënë në siklet me ketë kundërshtim që është bërë.
Ndërsa për pjesën tjetër Flavio unë nuk jam dakord, sepse ky mund të jetë grushti më i dobët i qëlluar në parlamentarizmin shqiptar dhe ne kemi parë dhe dimë nga historia që në parlamet kanë kërcitur armët, është qëlluar kryeministri e deputetët, ka pasur sherre masive me grushta, karrige e telefona por po të vëmë re dhe në titujt e lajmeve thonin : ‘Plas grushit në Parlament’, por aty vetëm grusht nuk kishte.
Kam qenë kundër asaj që quhet dhunë fizike, e sigurisht kam qenë dhe kundër asaj që Partia Socialiste ka bërë kur ishte në opozitë.
Ne nuk duhet ta kemi kujtesën afatshkurtër e sigurisht e kujtojmë se kur ajo ishte ne opozitë ka sjellë e kryer goxha aksese fizike në parlament.
© SYRI.net