Kreu i opozitës, Sali Berisha, shfaqi me pamje sot në selinë e PD, dëshmi të forta të bashkëpunimit të Kryeministrit Edi Rama me krimin e organizuar në Shkodër për të fituar me çdo kusht zgjedhjet vendore të 14 majit 2023.

"Bajrët kanë vrasësit e tyre të fjalës së lirë edhe në media, përveç Taulant Ballës dhe Edi Ramës, - tha Berisha ndër të tjera. -  Një nga një, këto do zbërthehen. Por sot ne ju paraqesim ju, terrorin që ata ushtruan më 14 maj, në qytetin e lirisë, në qytetin e Shkodrës, për të grabitur mandatin e qytetarëve të Shkodrës. 

Ju ftoj të ndiqni këtë dokumentar horror, 24 minuta.

Keni durim, por tregon të gjithë dramën elektorale të qytetit.  Me emër, mbiemër, me targa, me makina.  Qarkullimi që bënë këta gjatë ditës me makina.

Më falni, harrova të them se përveç Beharit dhe Denisit, Safeti edhe ai u nxor nga burgu menjëherë, se kishte pasur qëndrim të mirë, dhe u dërgua te banda para zgjedhjeve.