Me urdhër të Edi Ramës, në një mbledhje të sotme të Komisionit të Etikës në Kuvend, Lindita Nikolla ka vendosur që të përjashtojë 8 deputetë të opozitës.

Në një reagim të tij, deputeti i PD-së, Lefter Gështenja shkruan se, Rama ka frikë të përballet me të vërtetën, pasi të enjten e ardhshme, në parlament do të ketë 5 orë seancë me diskutim për rezolutën për Kosovën, dhe deklaratat e tij pro Vuçiçit.

‘Kur nuk ka më asnjë rrugë për t’iu shmangur përballjes me të vërtetën, Edi Rama në mënyrë qesharake përjashton opozitën nga Kuvendi.

S’ka instrument, makinacion e as maronetë që e shpëton atë nga politika antikombëtare që po bën.

Me qëndrimin ndaj Kosovës, ai doli zbuluar se kush ia lëviz fijet!’, shkruan Lefter Gështenja në reagimin e tij.