Një ditë pas këtyre pamjeve prokuroria e Prishtinës ka marrë në pyetje zëvendëskryeministrin e Kosovës Besnik Bislimi dhe ministrin e financave Hekuran Murati.
Ata mësohet se kanë dhënë sqarime mbi nisjen e konfliktit dhe goditjen që numri dy qeverisë i bëri me shishe uji deputetit të opozitës Mërgim Lushtaku
Ndërkaq kryefinancieri ka dhënë detaje mbi vazhdimin e konflikteve në sallë ku u tentua dhe të goditej kryeministri Albin Kurti.
Ftesë për të dhënë dëshmi kishte edhe deputeti i PDK-së, Mërgim Lushtaku parlamentari që hodhi ujë ndaj kreut të qeverisë dhe zëvendëskryeministrit.
Pavarësisht kësaj hetimet do të vijojnë me akuzën e sulmit.Për ngjarjen opozita akuzon qeverinë madje në seancë u paraqitën me dy pankarta ku Kurti dhe Mimoza Kusari lila paraqiten me simbolin e pinokut.
Kjo pas zbulimit të bisedave që ajo zhvillonte me listën serbe.
© SYRI.net