Lulzim Basha heshti shumë gjatë për ngjarjen e rëndë në Fushë Krujë, ku banda e Rrajave dhunoi në mënyrë barbare eksponentët të lartë të Partisë Demokratike të zonës.
Edhe kur foli, foli si memec, nuk guxoi të përmendë emrin e Taulant Ballës përveçse për hir të përmendjes së rrokadës.
Dhe s’ka se si të ndodhë ndryshe sepse e kanë parë të gjithë shqiptarët që Taulant Balla është caktuar patronazhist i Lulzim Bashës nga Edi Rama dhe e ka atë nën kontroll gjithë kohën.
Bashkëpunimi për zgjatjen e afateve të Vettingut, votimi i ligjeve në parlament sa herë mazhorancës i është nevojitur, mbajtja peng e simboleve të Partisë Demokratike janë disa nga bashkëpunimet e tyre që tregojnë pengmarrjen e Lulzim Bashës.
Të dy janë nën hetim për 3.4 mln eurot e Toyota Yaris që u kapën në Portin e Durrësit.
Implikimi i tyre në aferën “Toyota Yaris” është një nga çështjet që e mban Bashën të lidhur me Ballën si mishi me thoin. Çështje për të cilën Basha nuk ka guxuar kurrë të flasë më publikisht apo ta adresojë në organet e drejtësisë.
Fakti tjetër i ri i pengmarrjes është ngjarja e rëndë e Fushë Krujës.
Në reagimin e tij, me shumë vonesë, Lulzim Basha nuk ka guxuar t’i përmendë emrin Taulant Ballës dhe të rendisë lidhjet e tij me bandat e krimin.
Asnjë fjalë nuk ka thënë dot Lulzim Basha për patronazhistin e tij, i cili së fundi u emërua Ministër i Brendshëm nga Edi Rama.
© SYRI.net