Ish-kryetari i Mitrovicës, Agim Bahtiri, ka komentuar raportet ndërmjet kryeministrit të Kosovës, Albin Kurti dhe atij të Shqipërisë, Edi Ramës, duke thënë se Kosova nuk ka nevojë që ky i fundit të jetë ndërmjetësues, sepse për atë çështje janë Bashkimi Evropian dhe amerikanët.

Ai tha se Rama nuk mund të bëhet lider ballkanik nëpërmjet Kuritit dhe nuk mund të jetë palë.

“Rama nuk mund të bëhet lider ballkanik nëpërmjet Kurtit, ky është problemi, edhe e dyta nuk mund të jetë palë, po duhet me qenë një gjuhë e përbashkët, që t’i jep fuqi procesit, dhe duhet të jetë në pjesën ku është Albin Kurti, kurse për ndërmjetësues ne i kemi të Bashkimit Evropian dhe amerikanët, nuk ka nevojë që ai të na ndërmjetësojë diku, nuk mundet me i fol Beogradit qysh ka pas dëshirë çdoherë me fol me Tiranën, por duhet të flasë me Prishtinën”, tha ai.