Duke folur nga Parisi, analisti Genc Burimi është shprehur në ‘Task Force’ me Sonila Meçon në SYRI TV, se duket se Albin Kurtin aktualisht e kanë braktisur edhe amerikanët edhe europianët.

Sipas Burimit, para zgjedhjeve, amerikanët i kanë thënë Kurtit bëji zgjedhjet, ndërsa europianët kanë qenë kundër. E kjo ka sjellë këtë përçarje tani.

‘Nuk është vënë re në mediat shqiptare, por presidenti i Francës, Emmanuel Macron ka thënë diçka që nuk e kanë thënë amerikanët. Macron thotë se është i fyer me Albin Kurtit, ku vetëkuptohet se mes tij, Scholz dhe Kurtit ka pasur një bisedë të drejtpërdrejtë, ku i është thënë Albin Kurtit që të mos mbajë zgjedhjet në Kosovë.

Ka një deklaratë të 19 prillit të Gabriel Escobar, ku thotë që; ne ftojmë autoritetet të mbajnë zgjedhjet me gjithë mungesën e serbëve dhe ne do ti njohim këto zgjedhje. Unë kërkoj që media kosovare të nxjerrë këtë deklaratë të Escobar, pasi kjo që ka thënë sot Macron është e rëndë, hedh njollë, e ka marrë i gjithë shtypi francez, dhe bie përgjegjësia mbi Kosovën, që ka mbajtur zgjedhjet.

Mesa kuptoj unë, i është thënë Kurtit mos i mbaj zgjedhjet, nga amerikanët mbaji zgjedhjet dhe në përfundim, Kurtin e braktisur edhe amerikanët dhe evropianët. Nuk është dramatike, ka gjithmonë mosmarrëveshje mes europianëve dhe amerikanëve. Edhe në Ukrainë po shikohet kjo gjë’, tha Genc Burimi në SYRI TV.

EMISIONI I PLOTE