Ndonëse jetojnë prej gati 30 vitesh në Greqi, shqiptarët shprehen të pakënaqur nga jetesa në tokën helene.

Ata thonë se edhe pse kanë kaluar plotë 3 dekada, nuk kanë arritur të integrohen plotësisht në shoqërinë greke.

Emigrantët shqiptarë në Greqi kanë pohuar se dhe pse jetojnë prej shumë vitesh në Greqi me fëmijët e tyre që kanë lindur atje, e kanë shumë të vështirë që të pajisen me letra greke.

Shumë prej tyre nuk votuan në zgjedhjet parlamentare të 21 majit sepse shteti nuk u njeh të drejtën e votës deri sa nuk janë pajisur me nënshtetësi greke.

Emigrantët shqiptar përballen me pengesa të shumta për të nxjerrë nënshtetësi greke, edhe pse kanë kontribuuar me vite të tëra në Greqi, njësoj si shtetasit grekë. Kushtet ekonomike dhe konkretisht punësimi është një nga problemet më të mëdha të emigrantëve shqiptar në shtetin fqinj. Ata thonë se mund të emigrojnë përsëri.

Në zgjedhjet e fundit 160 mijë shqiptarë kishin të drejtë vote por vlerësohet se në shtetin fqinj jetojnë rreth 1 milionë shqiptarë që kanë shkuar atje gjatë tre dekadave të fundit